२५ भदौ, चितवन । कुनै बेला थियो- जतिखेर तत्कालीन राजा महाराजाहरु जिल्ला भ्रमणमा जाँदा बिद्यालय वन्द गरेर बिद्यार्थीहरु स्वागतका लागि चर्को घाममा लामबद्ध हुन्थे ।अहिले राजा छैनन, तर चितवनका बिद्यार्थीलाई उस्तै सास्ती छ । माओवादी अध्यक्ष प्रचण्ड आज चितवन आउने भएपछि माओवादी निकट शिक्षक संगठनले आज यहाँका बिद्यालय जर्वजस्ती बन्द गराएको छ । अखिल नेपाल शिक्षक संगठनको जिल्ला अधिवेशनलाई सम्बोधन गर्न प्रचण्ड आज चितवन आउँदैछन् ।
प्रचण्डको अगमनलाई बिशेष बनाउन शिक्षक संगठनले आज चितवन जिल्लाका सवै बिद्यालय बन्द गराउन माग गर्यो । सुरुमा नाईं-नाईं भने पनि अन्ततः कांग्रेस र एमालेले पनि प्रचण्डको सवारीलाई बिशेष बनाउन सहमति दिए ।
विद्यालय बन्द नगराउन विद्यार्थी संगठनले जिल्ला शिक्षा कार्यालयमा ज्ञापनपत्र बुझाएपनि विद्यार्थीको मागको वेवास्ता गरी विद्यालय बन्द गरेका हुन् ।
शिक्षक संगठनले बर्षे बिदाबाट कटौती हुने गरी विद्यालय बन्द गरिएको दावी गरेको छ । एकीकृत माओवादी निकट शिक्षक संगठनको अडानले बिद्यालय बन्दमा सहमति जनाउनु परेको एमाले र काँग्रेस निकटका शिक्षक संगठनले बताएका छन् ।
No comments:
Post a Comment
radijaljalanews@gmail.com